វិធីរាប់អានមិត្តពេលអាយុ៣០ឆ្នាំវិធីរាប់អានមិត្តពេលអាយុ៣០ឆ្នាំ
នៅពេលដែលអ្នកមានអាយុ៣០ឆ្នាំវាគួរតែជាពេលវេលាដែលមានភាពសម្បូរណ៏សប្បាយ ប៉ុន្តែវាក៏អាចជាភាពគ្រោតគ្រាតបន្តិចបន្តួចនៅពេលដែលវាជាពេលដែលត្រូវរាប់អានមិត្តភក្តិថ្មី។ មនុស្សភាគច្រើននៅក្នុងអាយុ៣០ឆ្នាំ កំពុងមានភាពធូរស្រាលជាមួយនឹងភាពមមារញឹកក្នុងការងារ ចំណងអាពាហ៏ពិពាហ៏ ឬសម្ពន្ធ័ភាពដទៃទៀត កូនៗ និងការមើលថែឳពុកម្តាយចាស់ជរា។ ការរាប់អានមិត្តភក្តិថ្មីស្ទើរតែមិនក្លាយជាជម្រើសនៅក្នុងគំនិតអ្នក ប៉ុន្តែវាអាចសម្រេចបានដោយការខំប្រឹងប្រែងបន្តិចបន្តួច។ គន្លឹះរបស់វាគឺជាការបន្តការព្យាយាមនិងការមិនបោះបង់។ ប្រសិនបើអ្នកធ្វើវា អ្នកនឹងនឹកឃើញចំណងមិត្តភាពដែលមានភាពជ្រាលជ្រៅនិងមានអត្ថន័យមិនអាចបំភ្លេចបាន។
១. ចូលរួមដំណើរកំសាន្តពេលវិស្សមកាលជាមួយនឹងក្រុមទេសចរ។ ថ្វីបើដំណើរកំសាន្តទៅ ប៉ែកអឺរ៉ុបវាហាក់ដូចជាមានតម្លៃថ្លៃ ប៉ុន្តែវាអាចនឹងធ្វើឲ្យអ្នកអាចស្វែងរកមិត្តភក្តិថ្មីបានច្រើនក្នុងចំណោមអ្នកធ្វើដំណើរជាមួយ។ សិស្សមហាវិទ្យាល័យជាទូទៅមិនមានលទ្ធភាពនិងពេលវេលាគ្រប់គ្រាន់ដើម្បីចូលរួមការធ្វើទេសចរណ៏ប្រភេទនេះទេ។ អ្នកគួរតែអាចស្វែងរកយ៉ាងហោចណាស់បានមិត្តភក្តិ ម្នាក់ឬពីរនាក់ ក្នុងចំណោមអ្នកដែលធ្វើទស្សនាចរណ៏នៅក្នុងអាយុកាល៣០ឆ្នាំរបស់គាត់។អ្នកនឹងមានទំនាក់ទំនងកាន់តែប្រសើរប្រសិនបើអ្នកទាំងពីរជាអ្នកដែលចូលចិត្តធ្វើដំណើរកំសាន្តដូចគ្នា។
២. បង្កើតក្រុមនៃអ្នកអាយុ ៣០ឆ្នាំនៅក្នុងបណ្តាញ ហ្វេសប៊ុក (Facebook.com) ដោយដាក់ឈ្មោះក្រុមថា “30-Something” ដើម្បីទាក់ទាញអ្នកដែលមានអាយុដូចគ្នាជាមួយអ្នកឲ្យចូលរួមក្នុងក្រុមនេះ។ វានឹងធ្វើឲ្យអ្នកបង្កើតមិត្តភក្តីពីទូទាំងពិភពលោក។ ចូរកំណត់ទីកន្លែងដែលអ្នកស្នាក់នៅឲ្យបានច្បាស់លាស់ប្រសិនបើអ្នកចង់ណាត់ជួបដោយផ្ទាល់ជាមួយនឹងអ្នកដែលមានការចាប់អារម្មណ៏ជាមួយនឹងក្រុមនេះ។
៣. ចូលរួមសកម្មភាពមនុស្សធម៌ឲ្យបានច្រើនតាមដែលអាចធ្វើបាន ព្រោះមនុស្សដែលចូលចិត្តការដាក់ទានភាគច្រើនជាមនុស្សដែលមានវ័យកណ្តាល ឬជាមនុស្សដែលស្ថិតក្នុងវ័យ ៣០ឆ្នាំ។ មនុស្សដែលមានវ័យក្មេងពេក ពេលខ្លះមិនមានលទ្ធភាពធ្វើការដាក់ទានព្រោះពួកគេត្រូវការរកកម្រៃដើម្បីខ្លួនឯងជាមុន។ ពេលខ្លះអ្នកក៏អាចជួបនឹងមិត្តភក្តិថ្មីដែលជាប្រភេទមនុស្សដែលមានអត្តចរិតល្អ និងមានទឹកចិត្តសប្បុរសថែមទៀតផង៕
ដោយ៖ វ៉ា សុនីកា
No comments:
Post a Comment