“ចរន្តគំនិតដែលមិនដាច់ស្រេច១ ចរន្តគំនិតដែលចេះតែភ័យខ្លាច១ និងចរន្តគំនិតខ្វះវិន័យខ្លួនឯង១ គឺជាកត្តានាំឲ្យមានទម្លាប់ទម្រន់កើតឡើងក្នុងខ្លួនមនុស្ស”
“សកម្មភាព អាចធ្វើឲ្យចរន្តគំនិតមិនដាច់ស្រេច ភាពភ័យខ្លាច និងការខ្វះវិន័យ រលាយសាបសូន្យបាន”
(ទស្សនាទានៈ ម៉ៃ រ៉ាម)
តើអ្នកមានធ្លាប់បានដឹងថា៖ “អ្នកធ្លាប់បានទុកអ្វីមួយដែលអ្នកកំពុងធ្វើចោល ដោយមិនបានពីមូលហេតុរបស់វាដែរឬទេ”? មនុស្សគ្រប់គ្នាបានធ្វើដូច្នោះ រហូតដល់កម្រិតមួយជាក់លាក់ ប៉ុន្តែ វាអាចជាការខ្វល់ខ្វាយ នៅពេលដែលអ្នកចាប់ផ្តើមធ្វើអ្វីមួយដោយមិនមានហេតុផលច្បាស់លាស់ ។ ការព្រងើយកន្តើយនឹង អាចបង្កបញ្ហាតូចឲ្យទៅជាធំ ឬ បង្កឲ្យមានបញ្ហាកាន់តែធ្ងន់ឡើងៗជាងមុន ហើយរឹតតែលំបាកក្នុងការធ្វើដំណើរឆ្ពោះទៅមុខ ។
តាមការសង្កេតរបស់អ្នកសង្គមវិទូមួយចំនួយ បានឲ្យដឹងថា៖ “ភាពទម្រន់ ឬ ការបង្អែរបង្អង់ អាចបណ្តាលមកពីកត្តាដ៏ច្រើនសន្ធឹកសន្ធាប់” ។ ក៏ប៉ុន្តែ ខ្ញុំសូមលើកយកមកតែកត្តាសំខាន់ៗបីប្រការប៉ុណ្ណោះ មកបង្ហាញក្នុងទីនេះ ។
១/ប្តេជ្ញាចិត្តជម្នះលើអារម្មណ៍មិនដាច់ស្រេច
មនុស្សជាច្រើនតែងមានអារម្មណ៍ស្ទាក់ស្ទើរនិងទម្រន់កើតឡើង ដោយសារពួកគេកើតនូវកូនអារម្មណ៍មួយ គឺអារម្មណ៍មិនដាច់ស្រេច ក្នុងការចាប់ផ្តើមធ្វើ ឬ ចាប់យកការងារណាមួយយកធ្វើ ។ ឧទាហរណ៍ៈ អ្នកចង់សម្រក់ទម្ងន់និងចង់បានរាងស្រស់សង្ហារ ប៉ុន្តែ វាហាក់បីដូចជាលំបាកក្នុងការចាប់ផ្តើមកម្មវិធីលំហាត់ប្រាណនិងផ្លាស់ប្តូរទម្លាប់បរិភោគរបស់អ្នក ។ ម្យ៉ាងវិញទៀត អ្នកចង់ស្នើសុំឲ្យចៅហ្វាយរបស់អ្នកតម្លើងប្រាក់ខែឲ្យអ្នក តែអ្នកមានការភ័យខ្លាចពីការឆ្លើយតបរបស់គាត់ ឬ អ្នកជៀសវានូវបញ្ហាហ្នឹង ។ ការព្យាយាមរត់ចោលបញ្ហា គឺជាការបង្កឲ្យបញ្ហារឹងរឹតតែមានសភាពធ្ងន់ធ្ងរឡើងៗ កាន់តែគេច កាន់តែយ៉ាប់ ។ អ្វីដែលបានកើតក្នុងសភាពតូច តែវាអាចបង្កបង្កើនឲ្យជាធំបាន បើអ្នកនៅតែមានអារម្មណ៍ទម្រន់និងបង្អែរបង្អង់ ។យុទ្ធសាស្ត្រជោគជ័យ
វិធីសាស្ត្រដ៏ប្រសើរបំផុតសម្រាប់វាយបំបាក់នូវការគិតបែបទម្រន់ ឬ អារម្មណ៍មិនដាច់ស្រេចហ្នឹង គឺ ជម្រុញខ្លួនអ្នក ឬ ចាប់បង្ខំខ្លួនអ្នកឲ្យអី្វមួយ ដើម្បីវា ។ ប្រសិនបើ វាជួយអ្នកមិនឲ្យមានអារម្មណ៍ភ័យខ្លាច ចូរព្យាយាមវាយបំបាក់ការងារធំៗ ឲ្យទៅជារាងតូចៗវិញ ។ ឧទាហរណ៍ៈ អ្នកចងទទួលបានសុខភាពល្អនិងមានសម្រស់ស្រស់ជាងមុន ចូរប្តេជ្ញាចិត្តក្នុងការធ្វើលំហាត់ប្រាណ ឲ្យបាន៣០នាទីក្នុងមួយថ្ងៃៗ ។ នៅពេលដែលអ្នកមានអារម្មណ៍ល្អជាមួយការលំហាត់ប្រាណហើយ ចូរចាប់ផ្តើមផ្លាល់ប្តូរនូវការបរិភោគដែលមិនអំណោយផល មករកការបរិភោគដែលមានអំណោយផលដល់សុខភាពវិញ ហើយអនុវត្តដូច្នោះ ឲ្យបានទៀតទាត់ ។
ប្រសិនបើ ការងារណានីមួយដែលអ្នកមិនអាចវាយបំបែកបាន ដូចជាការស្នើសុំឲ្យលោកនាយរបស់អ្នកតម្លើងប្រាក់ខែ អ្នកអាចនឹងចូលដល់នូវចំណុចមួយដែលអ្នកមានអារម្មណ៍ថា៖ “អ្នកគ្មានបាត់បង់អ្វីសោះ ដោយគ្រាន់តែការព្យាយាមធ្វើដើម្បីសម្រេច” ។ ចូរចាប់ជម្រុញខ្លួនអ្នកក្នុងការចាប់ផ្តើមធ្វើសកម្មភាពភ្លាម! ជាធម្មតាការចាប់ផ្តើមសកម្មភាព គឺមានន័យថា៖ “អ្នកអាចសម្រួលដល់អារម្មណ៍សម្ពាធនិងការភ័យខ្លាចរបស់អ្នក ឲ្យមានផាសុកភាពទ្វេឡើង” ។ បិសាច គឺអារម្មណ៍ស្ទាក់ស្ទើរនិងភាពទម្រន់ តែងតែកើតឡើងលើខ្លួនយើងជានិច្ច បើមិនប្រយ័ត្នទេ វានឹងចូលមកយាយីជាមិនខានឡើយ ។
២/ប្តេជ្ញាចិត្តជម្នះលើភាពភ័យខ្លាច
ហេតុផលមួយទៀតដែលបង្កឲ្យអ្នកកើតនូវអារម្មណ៍ស្ទាក់ស្ទើរ ឬ បង្អែរបង្អង់ គឺដោយសារភាពភ័យខ្លាចរបស់អ្នក ។ នៅពេលដែលអ្នក
មានវិថីចិត្តខ្លាចកើតឡើង អ្នកនឹងមិនអាចមានសមត្ថភាពគ្រប់គ្រាន់ក្នុងការបំពេញវា ឲ្យបានល្អឡើយ ឬ ថា៖ “លក្ខខណ្ឌនានានឹងមិនអាចធ្វើដំណើរឆ្ពោះទៅមុខដោយត្រឹមត្រូវបានឡើយ” ។ ប្រសិនបើ អ្នកមានអារម្មណ៍ស្ទាក់ស្ទើរ ឬ រង់ចាំអ្វីគ្រប់យ៉ាង ឲ្យមានភាពល្អសុក្រឹត្យ កើតឡើង ឬ រង់ចាំសមត្ថភាពរបស់អ្នក ឲ្យមានពេញលេញ អ៊ីចឹង ចូររង់ចាំចុះ ។ ប៉ុន្តែ ជាសំណាងអាក្រក់ ពេលវេលា ឬ ស្ថានភាពល្អឥតខ្ចោះ នឹងមិនអាចកើតឡើង ឬ ដើរចូលមករកអ្នកឡើយ ។ ដូច្នេះ ចូរបញ្ចប់ការរង់ ឬ ការស្ទាក់ស្ទើរដែលឥតប្រយោជន៍របស់អ្នកចេញទៅ!
មានវិថីចិត្តខ្លាចកើតឡើង អ្នកនឹងមិនអាចមានសមត្ថភាពគ្រប់គ្រាន់ក្នុងការបំពេញវា ឲ្យបានល្អឡើយ ឬ ថា៖ “លក្ខខណ្ឌនានានឹងមិនអាចធ្វើដំណើរឆ្ពោះទៅមុខដោយត្រឹមត្រូវបានឡើយ” ។ ប្រសិនបើ អ្នកមានអារម្មណ៍ស្ទាក់ស្ទើរ ឬ រង់ចាំអ្វីគ្រប់យ៉ាង ឲ្យមានភាពល្អសុក្រឹត្យ កើតឡើង ឬ រង់ចាំសមត្ថភាពរបស់អ្នក ឲ្យមានពេញលេញ អ៊ីចឹង ចូររង់ចាំចុះ ។ ប៉ុន្តែ ជាសំណាងអាក្រក់ ពេលវេលា ឬ ស្ថានភាពល្អឥតខ្ចោះ នឹងមិនអាចកើតឡើង ឬ ដើរចូលមករកអ្នកឡើយ ។ ដូច្នេះ ចូរបញ្ចប់ការរង់ ឬ ការស្ទាក់ស្ទើរដែលឥតប្រយោជន៍របស់អ្នកចេញទៅ!យុទ្ធសាស្ត្រជោគជ័យ
យុទ្ធសាស្រ្តដ៏ប្រសើរសម្រាប់ការទទួលបាននូវភាពជោគជ័យលើទម្លាប់ទម្រន់នេះ គឺត្រូវអះអាងថា៖ “អ្វីគ្រប់យ៉ាងគឺមិនមានភាពល្អឥតខ្ចោះឡើយ សម្រាប់អ្នក” ។ “អ្នកមិនចាំបាច់ធ្វើជាមនុស្សដែលល្អឥតខ្ចោះ ក្នុងសកម្មភាព ឬ សមត្ថភាពរបស់អ្នកឡើយ ហើយស្ថានភាព ឬ លក្ខខណ្ឌនានាក៏មិនមានភាពល្អប្រណីតឥតខ្ចោះ ដើម្បីឲ្យអ្នកបង្កើនខ្លួនដើរតាមវាដែរ” ។ នៅពេលដែលអ្នកយល់ព្រមឲ្យសេចក្តីត្រូវរបស់អ្នក មានអ្វីគ្រប់យ៉ាងដូច្នោះ ពោលគឺ អ្នកគិតថា៖ “គ្មានអី្វដែលវិសេសវិសាលឥតខ្ចោះទេ នៅក្នុងលោកនេះ” នេះមានន័យថា៖ “អ្នកបានផ្តល់សេរីភាពក្នុងការទទួលបាននូវភាពរីករាយក្នុងដំណើរវិថីជីវិតរបស់អ្នកនិងចាក់ចេញពីទម្លាប់ដ៏អាក្រក់គឺទម្រន់ ហើយអ្នកបានបោះវាចោលទៅក្នុងធុងសម្រាប់ដោយគ្មានក្តីស្រណោះ” ។
៣/ត្រូវយកជម្នះលើទម្លាប់ខ្វះវិន័យ
ជាទីបញ្ចប់ ការខ្វះវិន័យខ្លួនឯង អាចនឹងបណ្តាលឲ្យអ្នក កើតនូវទម្លាប់ដ៏អាក្រក់ គឺទម្លាប់ទម្រន់ ពីព្រោះ អ្នកនឹងមិនមានក្តីព្យាយាម ក្នុងការផ្លាស់ដំណើរគំនិតពីទម្លាប់អវិជ្ជមានទៅរកទម្លាប់វិជ្ជមាន ក្នុងគន្លងជីវិតអ្នកបានឡើយ ។ ត្រូវតែប្រឈមមុខនឹងវា អ្វីគ្រប់យ៉ាងដែលមានតម្លៃនឹងតម្រូវឲ្យមានការព្យាយាម ដើម្បីជ័យជោគរបស់អ្នក ។អ្នកក៏ត្រូវតែជម្រុញខ្លួនអ្នក ឲ្យក្លាយជាសាព៌ាង្គកាយមួយដែលមានសកម្មភាព ហើយអ្វីដែលអ្នកដឹង អ្នកត្រូវតែអ្នកវា ដោយខានមិនបាន បើទោះបី ជាអ្នកមិនបានរីករាយក្នុងការធ្វើវាក៏ដោយ ។ ប្រសិនបើ អ្នកព្យាយាមគិតថា៖ “បញ្ហានិងអសកម្មភាពនានាដែលជាលទ្ធផលនាំឲ្យកើតមានអារម្មណ៍ទម្រន់” អ្នកនឹងអាចស្វែងរកនូវពិភពមួយ គឺការជួយជម្រុញទឹកចិត្តនិងវិន័យ ដើម្បីអភិវឌ្ឍអ្នក ឲ្យវិវត្តទៅមុខជានិរន្តរ៍ ។
សន្និដ្ឋានកថា
ជាទូទៅ ទម្លាប់របស់មនុស្សមានពីរគឺ ទម្លាប់ល្អនិងអាក្រក់ ។ ទម្លាប់គឺតែងតែកើតចេញពីចរន្តគំនិតរបស់បុគ្គលម្នាក់ៗ ដោយផ្ទាល់ ។ បុគ្គលគ្រប់រូបគឺជាមេដឹកនាំរបស់ខ្លួនដោយផ្ទាល់ ពោលគឺកើតមានជីវិតភ្លាម ត្រូវក្លាយជាមេដឹកនាំខ្លួនឯងភ្លាម ដោយស្វ័យប្រវត្តិ គ្រាន់តែយើងមិនបានចាប់ភ្លឹកលើវាប៉ុណ្ណោះ ។ ដូច្នោះ ដើម្បីយកជ័យជម្នះលើទម្លាប់អាក្រក់ (ទម្លាប់ទម្រន់) និងទទួលយកនូវទម្លាប់ល្អ គឺអ្នកត្រូវធ្វើដំណើរតាមយុទ្ធសាស្រ្តរបស់ខ្ញុំចុះ អ្នកនឹងទទួលបាននូវផ្លែផ្កាដ៏ត្រចះត្រចង់ជាមិនខានឡើយ ។ ចូរព្យាយាមយកជ័យលើអារម្មណ៍មិនដាច់ស្រេចអារម្មណ៍ភ័យខ្លាច និងទម្លាប់ខ្វះវិន័យ!៚៚៚
ដោយៈ ម៉ៃ រ៉ាម
No comments:
Post a Comment