មនុស្សជាច្រើនចូលចិត្តសសេរជាការកំសាន្តលេងហើយពួកគេទាំងនេះមិនដែលគិតចង់ អភិវឌ្ឍន៍វាជា ជំនាញមួយដើម្បីក្លាយជាអ្នកដែលពូកែសរសេរឡើយ។ ការក្លាយទៅជាជនដែលពូកែ ឬ រឹតតែពូកែសរសេរនោះ តម្រូវឲ្យអ្នកមានការលះបង់ខ្ពស់និងខិតខំយ៉ាងពេញទំហឹងក្នុងសិល្បៈនៃការសសេរ ហើយ មានការប្តេជ្ញាចិត្ត រៀនសូត្រពីអ្នកដទៃ ដែលមានកិច្ចការសម្រាប់បង្រៀនអ្នក។ ពានរង្វាន់ដែលអ្នកទទួលបានពីភាពក្លាយជាអ្នកនិពន្ធឆ្នើមប្រហែលមិនមែនអ្វីដែលទាក់ទងនឹងលុយទេ ប៉ុន្តែវាជាកេរ្តិ៍ឈ្មោះដែលមិនចេះបាត់បង់ៈ
១.ការណែនាំៈ ចូរអានពីសៀវភៅឬអត្ថបទដែលមានការសរសេរឆ្នើមៗដែលអ្នកអាចរកបាន ដោយអ្នកក៏គួរអាននូវចំណុចណាដែលល្អៗនៃការសរសេរនៅក្នុងកន្លែងណាមួយដែលអ្នកចូលចិត្តជាងគេបានដែរ។ ចូរយកចិត្តទុកដាក់ពីរបៀបដែលអ្នកនិពន្ធទាំងនោះបានធ្វើការបញ្ចូលមនោសញ្ចេតនា ដែលទាញចេញពីកថាខណ្ឌ័មួយទៅកថាខ័ណ្ឌមួយទៀត និងពីរបៀបនៃតួរអង្គឬចរឹតលក្ខណៈនោះប្រែប្រួលយ៉ាងដូចម្តេចខ្លះ។ កាលណាអ្នកអាននូវអត្ថបទដែលសរសេរដោយអ្នកនិពន្ធល្បីៗកាន់តែច្រើន អ្នកនឹងកាន់តែទទួលបានគន្លឹះល្អៗនិងរបៀបនៃការសរសេរពីពួកគេកាន់តែច្រើន។
២. សរសេរឲ្យបានកាន់តែច្រើនតាមដែលអ្នកអាចធ្វើបាន មិនថាវាជាកំណត់ត្រាប្រចាំថ្ងៃ រឿងខ្លីៗឬ ជារឿងប្រលោមលោកក្តី។ ហើយចូរផ្តោតសំខាន់ទៅលើទស្សនិកជន ឬអ្នកអានសម្រាប់ការសរសេរនិងកិច្ចការរបស់អ្នក ដើម្បីក្លាយឧបករណ៍ដែលអ្នកអាចស្វែងយល់ពីការសរសេរនោះ។
៣. ហ្វឹកហាត់ជំនាញប៉ិនប្រសប់របស់អ្នកតាមរយៈការរៀនសូត្រ និងការទទួលយកមតិកែលំអរ។ បន្ទាប់មកអានសៀវភៅវេយ្យាករណ៍ និងស្វែងរកមតិយោបល់ពីអ្នកកែរសម្រួល និង មិត្តភក្តិដែលនឹងប្រាប់អ្នកដោយស្មោះត្រង់ពីភាពខ្វះចន្លោះរបស់អ្នក។ មិនតែប៉ុណ្ណោះត្រូវទទួលយកការរិះគន់របស់ពួកគេដោយមិនមានការខឹងសម្បារ ហើយប្រើប្រាស់ការរិះគន់នោះជាមេរៀនក្នុងការអភិវឌ្ឍការសរសេរទៅអនាគតរបស់អ្នក។ មិនយូរប៉ុន្មាន អ្នកនឹងចាប់ផ្តើមលុបបំបាត់បាននូវកំហុសឆ្គងដែលសំខាន់ៗ ហើយយល់ ឃើញថាការសរសេររបស់អ្នកមានការរីកចម្រើន។
ដោយៈ ប្រាក់ រតនា
No comments:
Post a Comment