ការបោះបង់អ្វីមួយចោលនៅពាក់កណ្តាលផ្លូវគឺជាទម្លាប់មួយដ៏អាក្រក់បំផុត។ ត្រូវចាំកាលពីអ្នកចាំផ្តើមដំបូងអ្នកមានការតាំងចិត្ត និង ពោពេញដោយកម្លាំងកាយចិត្តក្នុងការធ្វើវា តែពេលដល់កណ្តាលទី តើទឹកចិត្តរបស់អ្នកទៅណាអស់ទៅ?
បើអ្នកជាមនុស្សដែលចាប់ផ្តើមធ្វើអ្វីដំបូងពោពេញដោយថាមពល បន្ទាប់មកទុកវាចោលនោះ អ្នកកុំបារម្ភអី អត្ថបទនេះនិងប្រាប់អ្នកពីវិធីបោះបង់ទម្លាប់អាក្រក់នេះចោល។
តើអ្នកត្រូវធ្វើអ្វីបើអ្នកបាត់បង់ទឹកចិត្តនៅពាក់កណ្តាលផ្លូវបែបនេះ?
អ្វីដែលអ្នកអាចធ្វើដើម្បីបំបាត់ទម្លាប់នេះចោលគឺ អ្នកត្រូវតែរំលាយគម្រោងការណ៍ធំរបស់អ្នកឲ្យជាតូចៗ។ ឧទាហរណ៍ថា អ្នកគិតថាអ្នកត្រូវតែអានសៀវភៅឲ្យចប់១០០ទំព័រសម្រាប់ត្រៀមប្រលង។ បើអ្នកសម្រេចថាអ្នកត្រូវអានវាឲ្យចប់ដោយមិនទុកពេលសម្រាប់សម្រាកទេ នោះអ្នកនឹងមិនអាចវាចប់ឡើយ ដោយសារតែអ្នកនឹងធុញ អស់កម្លាំង ពេលនោះហើយជាពេលដែលអ្នកបោះបង់ចោលនូវការជម្រុញទឹកចិត្តខ្លួនឯង។
ដូចនេះអ្នកគួរតែបែងចែកវាឲ្យទៅចា៥ផ្នែកតូចៗ ដូចជាអ្នកត្រូវអានតែ២០ទំព័រម្តងបានហើយ នោះអ្នកពិតជាបានសម្រេចដូចគោលដៅរបស់អ្នកជាមិនខាន។
មូលហេតុសំខាន់មួយទៀតដែលនាំឲ្យអ្នកបាត់បង់ការជម្រុញទឹកចិត្តនៅពាក់កណ្តាលផ្លូវ គឺការមានជំនឿខុស។ មានប្រយោគខ្លះនិយាយថា «ខ្ញុំព្យាយាមខ្លាំងណាស់ ប៉ុន្តែខ្ញុំមិនអាចទទួលបានអ្វីដេលខ្ញុំចង់បានសោះ» ឬ «នៅក្នុងប្រទេសនេះ ឬ អាយុប្រហែលខ្ញុំមិនអាចជោគជ័យបានទេ»។ ជំនឿនេះពិតជាអាចរារាំងការជម្រុញទឹកចិត្តរបស់អ្នក ហើយឲ្យអ្នកឈប់ធ្វើសកម្មភាពអីទាំងអស់។
ការមានជំនឿខុសបែបនេះ អាចនាំឲ្យមានលទ្ធផលអាក្រក់ដល់អ្នកជាមិនខានឡើយ។ លើសពីនេះទៅទៀតអ្នកដែលមានជំនឿនេះនៅក្នុងចិត្តគឺមិនអាចទទួលជោគជ័យបានទេ ហើយគេក៏មិនដឹងពីគុណសម្បតិ្តរបស់ការព្យាយាមម្តងហើយម្តងទៀតនោះដែរ។
មូលហេតុមួយទៀតដែលនាំឲ្យអ្នកបាត់បង់ការជឿជាក់ពាក់កណ្តាលផ្លូវនោះ គឺដោយសារតែគោលដៅរបស់អ្នកមិនសូវសំខាន់ដូចទៅនិងលទ្ធផលដែលអាចទទួលបាន។
ឧទាហរណ៍ថា មានគេថាអ្នកឡើងទំងន់ ហើយអ្នកគួរតែរកវិធីឲ្យស្រកទម្ងន់វិញ។ ពេលនោះអ្នកចាប់ផ្តើមហាត់ប្រាណ បន្ទាប់មកពេលដែលព្យាយាមហើយនៅតែមិនស្រកទៀត អ្នកក៏សម្រេចចិត្តថាឈប់ហាត់ប្រាណតទៅទៀត។
សរុបមក៖ អ្នកបានដឹងពីមូលហេតុដែលនាំឲ្យអ្នកបាត់បង់ការជម្រុញទឹកចិត្តនៅពាក់កណ្តាលផ្លូវតាមរយៈអត្ថបទនេះ ដូចនេះអ្នកត្រូវតែចងចាំហើយជៀសវាងកុំឲ្យវាកើតឡើងចំពោះខ្លួនអ្នក៕
ដោយ៖ ជិន ចានី
No comments:
Post a Comment