“ភាពជឿជាក់គឺជាធ្នាក់ឈានទៅរកជោគជ័យក្នុងពេលអនាគត” ។ “សក្តានុពលរបស់មនុស្សគឺស្ថិតនៅលើការជឿជាក់លើខ្លួនឯង” ។
(ទស្សនាទាន៖ ម៉ៃ រ៉ាម)
តើអ្នកកំពុងតែទទួលរងនូវការឲ្យតម្លៃលើខ្លួនឯងទាបឬ? តើអ្នកមានអារម្មណ៍ខ្សត់ខ្សោះ ក្នុងផ្លាស់ប្តូរខ្លួនអ្នក ឲ្យមកជាមនុស្សមា្នក់ដែលមានទំនុកចិត្តឬ? ប្រសិនបើ អ្នកឆ្លើយថា៖ “បាទ” ចំពោះសំនួរទាំងនេះ ដំណឹងល្អគឺថា៖ “ការពង្រឹងថាមពលនិងបង្កើនការជឿជាក់លើខ្លួនឯង គឺជាកិច្ចការមួយដែលអ្នកពិតជាអាចទទួលបានជ័យជម្នះ ជាមួយនឹងយុទ្ធសាស្ត្រដ៏ងាយស្រួលនិងសាមញ្ញបំផុត ក្នុងការបង្ហាញផ្លូវរបស់អ្នក” ។ អ្នកនឹងស្វែងរកឃើញនូវយុទ្ធសាស្រ្តដែលគួរឲ្យអស់សំណើចទាំងនោះ ។
ថ្វីត្បិតតែ ការផ្លាស់ប្តូររបស់អ្នកអាចនឹងមិនអាចកើតឡើងភ្លាមៗក្តី ក៏ប៉ុន្តែ ប្រសិនបើ អ្នកព្យាយាមក្នុងការអនុវត្តតាមវិធីសាស្ត្រហ្នឹង អ្នកនឹងអាចកសាងការជឿជាក់របស់អ្នកបាន ពីមួយថ្ងៃទៅមួយថ្ងៃ ។ ចូរអនុវត្តវា ឲ្យបានយ៉ាងហោចណាស់ ក៏មួយដែលក្នុងចំណោមវិធីសាស្ត្របង្កើនភាពជឿជាក់ទាំងនោះ ។ មិនយួរមិនឆាប់ អ្នកនឹងក្លាយជាទម្លាប់មួយ ក្នុងការអនុវត្តនូវវិធីសាស្រ្តហ្នឹង ។ សូមអនុវត្តតាមយុទ្ធសាស្ត្រទាំងប្រាំបីហ្នឹង មើល៍ តើវាមានប្រសិទ្ធភាពដល់កម្រិតណា?
១/ត្រូវមានទស្សនៈប្រាដកនិយម
បើទោះបីជា វាមានសារប្រយោជន៍យ៉ាងខ្លាំងក្នុងការឈានទៅរកកម្រិតខ្ពស់ចំពោះជីវិតរបស់អ្នកក្តី តែបើសិនជា អ្នកមានគិត ឬ មានទស្សនៈមិនប្រាកដនិយម អ្នកនឹងមិនមានថ្ងៃណាមួយដែលដឹងថា៖ “អ្នកបានឈានជើងចូលក្នុងគោលដៅរបស់អ្នកឡើយ” ។ ក៏ប៉ុន្តែ នៅពេលអ្នកមានទម្លាប់គិតថា៖ “អ្នកបានទទួលជោគជ័យក្នុងគោលដៅពិតប្រាកដរបស់អ្នក វានឹងធ្វើឲ្យរឹងរឹតតែមានភាពជឿជាក់កាន់តែខ្លាំងឡើងៗ” ។ អ្នកត្រូវតែតម្រង់ការគិតរបស់អ្នករហូតដល់អ្នករកឃើញចំណុចផ្អែមមួយដែលអ្នកនឹងអាចជម្រុញខ្លួនអ្នក ឲ្យមានទំនុកចិត្ត តែអ្នកនឹងអាចសម្រេចបានផងដែរ ។ នៅពេលដែលអ្នកដឹងថា៖ “វាមានអារម្មណ៍ដូចជាទទួលបានជោគជ័យក្នុងជីវិតគោលដៅរបស់អ្នក អ្នកនឹងមានអារម្មណ៍កាន់តែមានភាពជឿជាក់ដែលអាចទទួលបានជ័យជម្នះនូវអ្វីដែលអ្នកកំណត់ធ្វើ” ។
២/ត្រូវសេពគប់មនុស្សដែលមានទស្សនៈវិជ្ជមាន
នៅពេលដែលអ្នកត្រូវមនុស្សអវិជ្ជមាន តាមចាប់ទាញអ្នក ឲ្យធ្លាក់ចុះ ឬ បំផ្លិចបំផ្លាញនូវការជឿជាក់របស់អ្នក អ្នកត្រូវស្វែងរករបាំងរារាំង ឲ្យបានឆាប់រហ័សបំផុត គឺស្វែងរកសេពគប់នូវមនុស្សវិជ្ជមាន ដោយសារពួកគេអាចជួយឲ្យអ្នកមានថាមពលវិជ្ជមាន ។ ចូរអភិវឌ្ឍការជឿជាក់របស់អ្នក តាមរយៈការទាក់ទងជាមួយមនុស្សវិជ្ជមានដែលធ្វើឲ្យអ្នកមានអារម្មណ៍ល្អ ។
៣/ត្រូវអភិវឌ្ឍជំនាញនិងទេពកោសល្យ
ដោយសារតែអ្នកមានអារម្មណ៍មិនប្រាកដប្រាជាចំពោះសមត្ថភាពរបស់ខ្លួនឯង ភាពជឿជាក់របស់អ្នកនឹងអាចទទួលរងទារុណជាមិនខាន ។ មនុស្សគ្រប់គ្នា រួមទាំងអ្នកផង ដែលមានជំនាញនិងទេពកោសល្យពិតប្រាកដដែលជាកត្តាជម្រុញឲ្យអ្នកធ្វើអ្វីមួយបានទទួលផលល្អ ។ ចូរអភិវឌ្ឍទេពកោសល្យទាំងនោះ អ្នកនឹងដឹងថា៖ “ភាពជឿជាក់លើខ្លួនអ្នកនឹងមានការរីកចម្រើន ប្រសិនបើ អ្នកពង្រឹងជំនាញនិងទេពកោសល្យទាំងនោះ” ។
៤/ត្រូវលើកម្ពស់និងគាំទ្រខ្លួនឯង
នៅពេលអ្នកដទៃនិយាយប្រឆាំងអ្នក ចូរចាំថា៖ “ពាក្យសម្តីទាំងនោះ គ្រាន់តែជាគំនិតរបស់គេតែប៉ុណ្ណោះ” ។ គំនិតរបស់អ្នកទើបជាបញ្ហាសំខាន់ ។ នៅពេលដែលអ្នកធ្វើអី្វមួយដែលអ្នកដឹងថា៖ “វាជារឿងត្រឹមត្រូវសម្រាប់ខ្លួនអ្នក អ្នកនឹងទទួលបានការជឿជាក់លើខ្លួនដែលគិតថា អ្នកបានសម្រេចចិត្តដ៏ត្រឹមត្រូវ ដោយមិនបានខ្វល់ពីអ្នកអារម្មណ៍អ្នកដទៃ” ។
៥/ត្រូវធ្វើលំហាត់ប្រាណ
សកម្មភាពលំហាត់ប្រាណនិងសរីរាង្គកាយអាចធ្វើអ្នកមានអារម្មណ៍ស្ងប់ស្ងាត់និងផ្តល់អត្ថប្រយោជន៍ដ៏ច្រើនដល់ចិត្តនិងរាងកាយរបស់អ្នក ។ នៅពេលដែល អ្នកធ្វើលំហាត់ឲ្យបានញឹកញយ អ្នកនឹងមានអារម្មណ៍កាន់តែសប្បាយរីករាយ ជាលទ្ធផល វាធ្វើឲ្យអ្នកមានអារម្មណ៍ល្អចំពោះខ្លួនអ្នកផងដែរ ។
៦/ត្រូវផ្តល់កាដូឲ្យខ្លួនឯងនៅពេលដែលអ្នកទទួលបានជោគជ័យ
នៅពេលដែលអ្នកទទួលបានជោគជ័យក្នុងរឿងអ្វីមួយ ទោះបីជា រឿងធំ ឬ តូចក៏ដោយ វាជារឿងសំខាន់ក្នុងការផ្តល់កាដូឲ្យខ្លួនឯង ។ នៅពេលដែលអ្នក ព្យាយាមធ្វើអ្វីមួយដែលធ្វើឲ្យអ្នកមានអារម្មណ៍សប្បាយរីករាយ អ្នកនឹងមានឱកាសកាន់តែច្រើនក្នុងការទទួលបានភាពជោគជ័យ ។
៧/ត្រូវប្រើប្រាស់ការអះអាងវិជ្ជមាន
ការអះអាងវិជ្ជមានគឺជាមធ្យោបាយដ៏ប្រសើរក្នុងការជម្រុញការជឿជាក់របស់អ្នក ។ វានឹងជួយអ្នក ក្នុងការពង្រឹងភាពជឿជាក់លើខ្លួនឯង ។ ចូរស្វែងរកការអះអាង ឬ ការបញ្ជាក់ណាមួយដែលជួយឲ្យអ្នក មានការអភិវឌ្ឍខាងផ្លូវចិត្ត គឺជួយពង្រឹងភាពជឿជាក់លើខ្លួនឯង ។ ឧទាហរណ៍៖ “ខ្ញុំមានការរីកចម្រើនច្រើនជាងមុន” ។
៨/ត្រូវជៀសវាងការរស់នៅក្នុងអតីតកាល
វាលំបាកខ្លំាងណាស់ក្នុងការទទួលបានជ័យជម្នះ ប្រសិនបើអ្នកព្យាយាមរស់នៅពិភពអតីតកាល ឬ ព្យាយាមគិតពីរឿងអតីតកាលរបស់អ្នក ។ អតីតកាលរបស់អ្នក វាមិនមែនជាអនាគតរបស់អ្នកឡើយ ។ ចូរផ្តោតលើអ្វីដែលថ្មីៗ ក្នុងពេលបច្ចុប្បន្ន ជាគំនិតរីករាយក្នុងវិថីអនាគតរបស់អ្នក ។ ត្រូវចាប់យកគ្រប់រូបភាព ត្រូវតែធ្វើដំណើរទៅដោយល្អ ។
សន្និដ្ឋានកថា
ការពង្រឹងភាពជឿជាក់លើខ្លួនឯង ជាកត្តាជោគជ័យក្នុងជីវិតនិងជាដំណើរសុក្រឹត្យបំផុត ក្នុងវិថីជីវិត ។ វាជាការផ្តល់ថាមពលដល់ជីវិតដំណើរ ឆ្ពោះទៅអនាគតដ៏ភ្លឺស្វាង ។ ប្រសិនបើ អ្នកអស់ការជឿជាក់លើខ្លួនឯង អ្នកនឹងទទួលអស់ថាមពលក្នុងការធ្វើដំណើរទៅមុខ ហើយអ្នកនឹងឈប់ដើរ នៅពេលដែលអ្នកឈប់ដើរ អ្នកនឹងបរាជ័យ ។
ដោយ៖ ម៉ៃ រ៉ាម
One Response to “យុទ្ធសាស្ត្រសក្តិសិទ្ធិ៨យ៉ាង ក្នុងការសាងភាពជឿជាក់លើខ្លួនឯង”