តើអ្នកពិតជាសប្បាយរីករាយទេ? តើអ្នកយល់ពីអ្វីដែលជាភាពសប្បាយរីករាយ និងធ្វើយ៉ាងណាដើម្បីសម្រេចវា? ទាំងនេះ គឺជាសំណួរដ៏សំខាន់សម្រាប់អ្នករាល់គា្នដែលចង់ទទួលបានភាពរីករាយសួរខ្លួនឯង។ ប្រសិនជាអ្នកចង់សប្បាយរីករាយ អ្នកត្រូវយល់ពីអ្វីដែលធ្វើឲ្យអ្នករីករាយ និងអ្វីដែលអ្នកគួររីករាយ។ មានមនុស្សមួយចំនួនមានការយល់ខុសថា ពួកគេមិនមានភាពរីករាយ ហើយអនាគតរបស់គេក៏ពុំមានភាពរីករាយដែរ។ អ្វីក្នុងជីវិត គឺត្រូវតែធម្មជាតិ។ ភាពរីករាយ ក៏ត្រូវតែជាធម្មជាតិដែរ។ ខាងក្រោមនេះ គឺជាគន្លឹះមួយចំនួនសម្រាប់បង្កើតភាពរីករាយក្នុងជីវិត ៖
១. ដឹងពីអ្វីដែលអាចនឹងធ្វើឲ្យអ្នកសប្បាយចិត្ត ៖ មនុស្សម្នាក់ៗ គឺសុទ្ធតែមានតម្រូវការផ្ទាល់ខ្លួនក្នុងការធ្វើឲ្យខ្លួនអ្នកសប្បាយចិត្ត ហើយតម្រូវការ គឺមានភាពខុសគ្នាពីមនុស្សម្នាក់ទៅមនុស្សម្នាក់។ ភាពសប្បាយរីករាយរបស់មនុស្សម្នាក់ៗ គឺមិនខ្វល់ពីការប្រៀបធៀបចំណង់ចំណូលចិត្តរបស់អ្នកដទៃ។
២. បង្កើតគម្រោងក្នុងការសម្រេចគោលដៅដែលអ្នកយល់ថាអាចធ្វើឲ្យអ្នករីករាយ ៖ អារម្មណ៍របស់អ្នកនឹងជួយជំរុញដល់ការសម្រេចគោលដៅរបស់អ្នកទៀតទេ។ ប្រសិនជាអ្នកយល់ថាអ្វីដែលអ្នកធ្វើមានតម្លៃ អ្នកនឹងសប្បាយចិត្ត និងអាចទទួលបានអ្វីដែលអ្នកចង់បាន។
៣. ឡោមព័ទ្ធខ្លួនអ្នកដោយមនុស្សដែលរីករាយ ៖ ប្រសិនជាអ្នកដែលនៅជុំវិញខ្លួនអ្នកជាមនុស្សដែលគិតអវិជ្ជមាន អ្នកនឹងមានភាពងាយស្រួលក្នុងការធ្វើឲ្យខ្លួនអ្នកក្លាយជាប្រភេទមនុស្សបែបនោះដែរ។ ហេតុនេះ អ្នកត្រូវតែនៅជិតមនុស្សដែលមានគំនិតវិជ្ជមានដែលជាផ្លូវទៅកាន់ភាពរីករាយ។
៤. ប្រសិនជាមានបញ្ហាអ្វី អ្នកត្រូវតែដោះស្រាយវា ៖ ប្រសិនជាមានបញ្ហាអ្វីកើតឡើងអ្នកត្រូវតែធ្វើការដោះស្រាយបញ្ហាទាំងនោះ។ អ្នកមិនត្រូវធ្វើខ្លួនឲ្យត្រាំត្រែងក្នុងបញ្ហាដោយមិនរកវិធីដោះស្រាយនោះទេ។
៥. ចំណាយពេលពីរទៅបីនាទីសម្រាប់គិតពីអ្វីដែលល្អសម្រាប់អ្នក ៖ អ្នកត្រូវចំណាយពេលបន្ដិចបន្ដួចដើម្បីគិតពីអ្វីដែលល្អសម្រាប់ខ្លួនអ្នក។
៦. ត្រូវធ្វើអ្វីដែលល្អសម្រាប់ខ្លួនអ្នក ៖ អ្នកមិនត្រឹមតែយកពេលគិតអ្វីដែលល្អសម្រាប់ខ្លួនអ្នកនោះទេ ប៉ុន្ដែអ្នកគួរតែអនុវត្ដអ្វីដែលអ្នកគិត។
៧. ស្វែងរកស្ថានភាពណាដែលកម្លែងសម្រាប់ឲ្យអ្នករីករាយ ៖ អ្នកគួរតែមើលទូរទស្ស ទស្សនាវដ្ដី ឬក៏អ្វីដែលកម្លែងសម្រាប់ធ្វើឲ្យអ្នកសប្បាយចិត្ត។
៨. ថែរក្សាសុខភាពឲ្យបានល្អ ៖ សុខភាព គឺជាផ្នែកមួយយ៉ាងសំខាន់សម្រាប់ធ្វើឲ្យយើងមានភាពរីករាយ។ ប្រសិនជាអ្នកមានសុខភាពមិនល្អ អារម្មណ៍របស់អ្នកក៏មិនសូវល្អដែរ។
៩. អ្នកត្រូវយល់ថាអ្នកគួរតែទទួលបានភាពរីករាយ ៖ អ្នកត្រូវប្រាប់ខ្លួនឯងថា អ្នកគឺសាកសមនឹងទទួលបានភាពរីករាយ ហើយអ្នកត្រូវដឹងថាភាពរីករាយ គឺមានតម្លៃណាស់សម្រាប់អ្នក។
ភាពរីករាយ គឺមានការពិបាកណាស់ក្នុងការស្វែងរក ហើយមនុស្សជាច្រើនយល់ថា ភាពរីករាយ គឺកើតចេញពីសំណាងរបស់មនុស្សម្នាក់ៗដែលភាពរីករាយនេះអាចកើតចេញពីគំនរទុក្ខរបស់អ្នកដទៃ។ ប៉ុន្ដែតាមពិត ភាពរីករាយ គឺកើតចេញពីយើងខ្លួនឯងដែលជាអ្នកស្វែងរក និងថែរក្សាវា៕
No comments:
Post a Comment