អត្ថបទនេះនឹងរួមបញ្ចូលទាំងការធ្វើលំហាត់គំនិតលើវិធីក្នុងការអានឲ្យកាន់តែឆាប់យល់និងចងចាំ។ ការអានពីគំនិតរួមគឺមានន័យថាតើមនុស្សម្នាក់មានសមត្ថភាពក្នុងការយល់និងចងចាំបានល្អប៉ុណ្ណាលើអ្វីដែលពួកគេបានអាន។
១. ស្វែងរកប្រធានបទដែលធ្វើឲ្យអ្នកចាប់អារម្មណ៏ហើយបន្ទាប់មកស្វែងរកអត្ថបទខ្លីៗដែលពាក់ពន្ធ័នឹងប្រធានបទនោះ។ អានប្រយោគដំបូងនៃអត្ថបទនោះដោយយឺតៗ ។ ចូរប្រាកដថាអ្នកបានដឹងនិងបានភ្ជាប់អត្ថន័យទៅគ្រប់ពាក្យនិមួយៗដែលអ្នកបានអាន។ អានប្រយោគនោះម្តងទៀតហើយអ្នកនឹងប្រាកដថាអ្នកបានយល់ពីអត្ថន័យនោះហើយ មុនពេលអ្នកធ្វើការបន្តទៀត។
២. ប្រើប្រាស់អត្ថបទដដែល។ នៅពេលដែលអ្នកអានអត្ថបទនោះម្តងទៀត ចូរអ្នកប្រើប្រាស់រូបភាពដែលមាននៅក្នុងគំនិតរបស់អ្នកមកបង្កើតជារូបភាពដែលពាក់ពន្ធ័ជាមួយអ្វីដែលអ្នកបានអាន។ បង្កើតវីឌីអូនៅក្នុងគំនិតរបស់អ្នកពីអត្ថបទដែលអ្នកបានអានដូចពេលដែលអ្នកអាន។ ស្រមៃថាអ្នកគឺជាអ្នកដឹកនាំរឿង អ្នកសំដែង និងជាផលិតករផងដែរ។
៣. អានអត្ថបទនោះដដែល ហើយបន្ថែមអារម្មណ៏ទៅក្នុងពាក្យពេជន៏ទាំងនោះ។ មិនមែនគ្រប់ពាក្យទាំងអស់នឹងត្រូវភ្ជាប់ជាមួយនឹងអារម្មណ៏នោះទេ។ នៅពេលដែលអ្នករៀនពាក្យ អ្នកនឹងដឹងថាពាក្យភាគច្រើនពិតជាមានការបញ្ចូលអារម្មណ៏នៅក្នុងនោះ ទោះបីជាអត្ថបទគឺជាអ្វីដែលហាក់ដូចជាស្ងួតក្រៀមក្រោះក៏ដោយ។
៤. អានអត្ថបទនោះដដែលហើយបន្ថែមនូវសម្លេង។ នៅកន្លែងណាដែលពាក្យ អាចភ្ជាប់នូវសម្លេងបន្ថែមដើម្បីឲ្យងាយស្រមើលស្រមៃពីសម្លេងនៅក្នុងគំនិតរបស់អ្នកដូចដែលអ្វីដែលអ្នកបានអាន ចូរអ្នកព្យាយាមបន្ថែមវាចុះ។ អត្ថបទខ្លះនឹងមិនមានសម្លេងជាមួយវានោះទេ ប៉ុន្តែអ្នកត្រូវតែខំស្វែងរកវាមកអនុវត្តបន្ថែម។
៥.អានអត្ថបទបន្ថែមនិងភ្ជាប់ជាមួយនឹងអត្ថន័យ , រូបភាព, អារម្មណ៏ និងសម្លេងទៅគ្រប់ពាក្យនិមួយៗនិងប្រយោគនិមួយៗ។ បន្ទាប់ពីអ្នកបានអានអត្ថបទហើយ ចូរអ្នកសរសេរនូវអ្វីដែលអត្ថបទនោះនិយាយអំពីឲ្យបានមួយកថាខណ្ឌ។ អានកថាខណ្ឌនោះវិញហើយសួរខ្លួនឯងថា តើវាគឺពិតជាការសង្ខេបរបស់អត្ថបទនេះឬទេ។ បើអ្នកមិនគិតថាវាជាការសង្ខេបនោះទេ ចូរអានអត្ថបទនោះម្តងទៀតហើយសង្កត់ធ្ងន់លើការសង្ខេបរបស់អត្ថបទរហូតទាល់តែអ្នកពេញចិត្ត។
៦. អនុវត្តលំហាត់ទាំងនេះជាមួយនឹងអត្ថបទដទៃទៀត។ ហើយបន្ទាប់មកអនុវត្តលើសៀវភៅម្តង ដោយការអានពីមួយជំពូកទៅមួយជំពូក។ បើអ្នកចាប់ផ្តើមដោយជំពូកមួយហើយបញ្ចប់ដោយជំពូកមួយ នោះការយល់ដឹងរបស់អ្នកនឹងមានការរីកចម្រើនប្រសើរជាងមុន ហើយវានឹងបន្តរហូតដល់អ្នកអាចអានសៀវភៅដែលអ្នកបានសម្រាកលើកមុនរហូតដល់ចប់៕
ដោយ៖ វ៉ា សុនីកា
No comments:
Post a Comment