មនុស្សរាល់គ្នាតែងតែយកពេលគិតអំពីអនាគត និងស្ថានភាពជីវិតបច្ចុប្បន្នរបស់ពួកគេ។ ពួកគេតែងតែគិតថាអ្វីដែលគួរតែផ្លាស់ប្ដូរសម្រាប់ជីវិតរបស់ពួកគេដូចជាជិវិតគ្រួសារ មិត្តភក្ដិ ការងារ ហិរញ្ញវត្ថុ និងគូអនាគតជាដើម។ ជំហានដំបូងសម្រាប់ការផ្លាស់ប្ដូរនេះ គឺការកំណត់គោលដៅ។ ផ្ទុយទៅវិញ មានមនុស្សជាច្រើនបានកំណត់គោលដៅសម្រាប់ខ្លួនគេរួចហើយ ក៏ប៉ុន្ដែពួកគេគ្មានសមត្ថភាពដើម្បីសម្រេចគោលដៅនោះ ដោយសារបញ្ហាពេលវេលា ហិរញ្ញវត្ថុ គ្រួសារ និងបញ្ហាផ្សេងៗទៀត។ ពេលខ្លះគោលដៅរបស់យើងមិនបានទទួលផល ដោយសារតែយើងមិនបានធ្វើតាមជំហាននីមួយៗដែលយើងបានរៀបចំតាមគម្រោងរបស់យើង។ មិនតែប៉ុណ្ណោះពួកយើងនៅតែរៀបចំគម្រោងដដែលជាច្រើនដងដែលតែងតែទទួលបានបរាជ័យ ដោយមិនបានរកវិធីសាស្រ្ដអ្វីដែលថ្មីមកកែលំអដើម្បីឈានដល់គោលដៅ ឬក៏រៀបចំគោលដៅថ្មីផ្សេងទៀតឡើយ។
ពួកយើងនឹងនាំអ្នកទៅកាន់ផ្លូវនៃភាពជោគជ័យលើការកំណត់គោលដៅ
១. គ្រួសារ
២. ការងារ
៣. សុខភាព
៤. ហិរញ្ញវត្ថុជាដើម។
ដើម្បីបង្កើត និងសម្រេចគោលដៅអ្នកគួរតែ
១. សម្រេចអ្វីក៏ដោយដែលអ្នកចង់បានក្នុងជីវិត
២. ផ្ដល់ភាពល្អប្រសើរដល់ខ្លួនអ្នក និងមនុស្សដែលអ្នកស្រលាញ់
៣. បង្កើនការគោរព ការសរសើរ និងជំនឿចិត្តលើខ្លួនឯង
៤. បង្កើនការគោរព និងជឿជាក់លើអ្នកដទៃ
៥. លុបបំបាត់អាកប្បកិរិយា និងចរិកអវិជ្ជមាន
៦. រស់នៅដោយឯករាជ្យ។
អ្នកដែលប្រើប្រាស់គោលដៅរបស់ពួកគេប្រកបដោយប្រសិទ្ធិភាព
១. គ្មានភាពឈឺចាប់ពីការដាក់សម្ពាធលើខ្លួនឯង និងការថប់អារម្មណ៍
២. មានការយកចិត្តទុកដាក់ និងផ្ដោតអារម្មណ៍កាន់តែប្រសើរ
៣. មានភាពជឿជាក់កាន់តែច្បាស់
៤. មានភាពសប្បាយរីករាយ និងពេញចិត្តនឹងការរស់នៅរបស់ខ្លួន។
តាមរយៈការកំណត់គោលដៅ និងវាស់ស្ទង់ភាពជោគជ័យ គឺអាចឲ្យអ្នកមើលឃើញពីអ្វីដែលអ្នកបានធ្វើ និងសមត្ថភាពដែលអ្នកមាន។ នៅពេលដែលអ្នកអាចសម្រេចគោលដៅអ្វីមួយ វាអាចជំរុញឲ្យអ្នកមានទំនុកចិត្ត និងជឿជាក់លើខ្លួនឯងថានឹងអាចសម្រេចគោលដៅច្រើន និងពិបាកជាងនេះទៅទៀត៕
No comments:
Post a Comment