តើក្តីសុបិន្ត គឺជាអ្វី? ជាការពិតណាស់ សុបិន្ត គឺជាចំនីអារម្មណ៍របស់បុគ្គលម្នាក់ៗដែលផ្តល់ឲ្យយើងនូវក្តីសង្ឃឹម។ នៅក្នុងពេលណាមួយដែលយើងបានសម្រេចក្តីសុបិន្តរបស់យើង វានឹងធ្វើឲ្យយើងសប្បាយរីករាយ និងរស់នៅប្រកបដោយសេចក្តីសុខ។ វាមានសារៈសំខាន់សម្រាប់យើងណាស់ក្នុងការប្រកាន់ខ្ចាប់បំណងប្រាថ្នារបស់យើង និងព្យាយាមសម្រេចវាឲ្យបាន។ នៅពេលដែលខ្ញុំមានក្តីសុបិន្ត ខ្ញុំតែងតែប្រាប់ខ្លួនឯងជារៀងរាល់ពេល ហើយនឹងព្យាយាមឲ្យបានសម្រេចនូវគោលដៅដែលខ្ញុំចង់បាន ប្រកបដោយថាមពល ក្តីសង្ឃឹម និង ភាពរីករាយ។ ផ្ទុយទៅវិញ នៅពេលដែលយើងមិនបានសម្រេចនូវគោលដៅរបស់យើង វាធ្វើឲ្យយើងមានអារម្មណ៍ថាចិត្តរបស់យើងដូចជាបានស្លាប់បាត់ទៅហើយ។
ប្រសិនជាយើងយល់ថា សុបិន្តគឺ មានសារៈសំខាន់សម្រាប់ជីវិត និងសុភមង្គលរបស់យើង តែហេតុអ្វីមនុស្សមួយចំនួនបែរជាព្យាយាមទាញយើងឲ្យឃ្លាតឆ្ងាយពីផ្លូវឆ្ពោះទៅកាន់ទីនោះទៅវិញ? ប្រហែលជាពួកគេខ្លាចយើងសម្រេចគោលដៅដ៏ត្រចះត្រចង់ ដែលពួកគេមិនអាចឈោងដល់។ ហើយក៏ពីព្រោះពួកគេមិនអាចបំពេញក្តីសុបិន្តរបស់គេ ហើយក៏ប្រហែលជាមកពីពួកគេភ័យខ្លាចនៃសេចក្តីសុខ និងថាមពលនៃទឹកចិត្តដែលជំរុញដល់ការដើរនៅលើផ្លូវនៃក្តីសុបិន្ត និងខ្លាចការឈឺចាប់ដែលបណ្ដាលមកពីនរណាម្នាក់ដែលយល់ច្បាស់ពីពួកគេ នៅពេលដែលគេកំពុងបើកចំហផ្លួវចិត្ត។
ប៉ុន្តែ វាមិនមែនជាបញ្ហាទេ នៅពេលដែលមាននរណាម្នាក់មករិះគន់ពីបំណងប្រាថ្នារបស់យើងនោះ ក្នុងករណីដែលក្តីសុបិន្តនេះធ្វើឲ្យយើងសប្បាយចិត្ត យើងត្រូវតែសម្រេចវាឲ្យបាន។ ធ្វើយ៉ាងណាកុំឲ្យពាក្យរិះគន់ឥតបានការទាំងនោះមកបំផ្លាញក្តីសុបិន្តយើងឲ្យសោះ។ យើងត្រូវប្រកាន់ខ្ចាប់ និងប្រឹងប្រែងឲ្យអស់ពីសមត្ថភាពដើម្បីឲ្យសុបិន្តក្លាយជាការពិត។ យើងត្រូវក្តាប់ក្តីសុបិន្តក្នុងពេលមួយដ៏វែងដើម្បីឆ្ពោះទៅដល់គោលដៅ និងត្រូវគិតថាជំហាននីមួយៗ គឺជាជំហាននៃការជោគជ័យ។ សុបិន្ត គឺជាខ្លួនយើង។
ផ្ទុយទៅវិញ អ្នកនៅជុំវិញខ្លួនយើង គឹគ្រាន់តែជាផ្នែកមួយដែលមិនឲ្យតម្លៃ និងព្យាយាមទប់ស្កាត់យើងពីការឈានទៅរកក្តីសុបិន្តតែប៉ុណ្ណោះទេ ប៉ុន្តែអ្វីដែលសំខាន់ គឺខ្លួនយើងផ្ទាល់ដែលរុញច្រានក្តីសុបិន្ត និងប្រាប់ខ្លួនឯងថា យើងគ្មានលទ្ធភាពនោះ។ នៅពេលយើងបោះបង់ក្តីសុបិន្ត គឺវាប្រៀបបានទៅនឹងការមិនឲ្យតម្លៃខ្លួនឯង និងសម្លាប់ចិត្តខ្លួនឯង អារម្មណ៍ និងក្តីសង្ឃឹមទៅវិញទេ។ វានឹងអាចបង្កឲ្យយើងមានភាពឈឺចាប់ដោយសារមិនអាចឆ្ពោះទៅដល់គោលដៅដែលយើងចង់បាន។ វាបង្កឲ្យយើងបាត់បង់ភាពតស៊ូប្រឹងប្រែងក្នុងជីវិត។
នៅពេលដែលយើងមិនស្ដាប់ពីក្តីស្រមៃរបស់ខ្លួនយើង ឬក៏គ្មានក្តីសុបិន្តទេ វាប្រៀបបានទៅនឹងការធ្វើបាបខ្លួនឯងឲ្យមានការឈឺចាប់ ខឹងមួរមៅ និងស្អប់ខ្ពើមខ្លួនឯង។ ប៉ុន្តែ នៅពេលដែលយើងស្របតាមក្តីសុបិន្ត យើងនឹងហាក់ដូចជាដោះលែងខ្លួនឯង។ ទោះបីជាមានការលំបាក មានភាពភ័យខ្លាចដែលបង្កឲ្យយើងមានអារម្មណ៍ចង់បោះបង់ និងយល់ថាគ្មានលទ្ធភាពសម្រេចវាក៏ដោយ ក៏យើងនៅតែមានអារម្មណ៍ថាយើងកំពុងតែដើរលើវិថីមួយដ៏ត្រឹមត្រូវ ហើយខ្លះយើងឆ្លងឆ្លើយជាមួយបេះដូងខ្លួនឯង និងមានអារម្មណ៍ថាជីវិតពោរពេញដោយភាពស្រស់ថ្លា។
សុបិន្ត គឺមានសារៈសំខាន់ណាស់សម្រាប់ការរស់នៅដែលយើងគ្រប់គ្នាគួរតែមាន។ តើយើងគួរធ្វើយ៉ាងណាដើម្បីឆ្ពោះទៅកាន់ក្តីសុបិន្ត? ចំនុចខាងក្រោមនេះ គឺជាវិធីដែលឈានដល់ការសម្រេចគោលដៅ៖
១. តើក្តីសុបិន្តរបស់អ្នកគឺជាអ្វី?
យើងអាចត្រូវការពេលបន្តិចដើម្បីស្វែងរកអ្វីដែលយើងចង់បាន ដូច្នោះយើងត្រូវចំណាយពេលទៅតាមអ្វីដែលយើងចង់បាន ដោយស្ដាប់ចិត្តរបស់យើងថា តើយើងចង់បានអ្វី។ វាមិនមែនជាបញ្ហាទេដែលយើងយល់ថា សុបិន្តរបស់យើងមិនអាចខ្លាចជាការពិត និងយល់ថាការគិតទាំងនេះជាភាពល្ងីល្ងឺនោះ។ យើងត្រូវតែសួរខ្លួនឯងថា តើអ្វីដែលយើងពិតជាចង់បាន។
២. តើអ្វីដែលអាចបញ្ឃប់អ្នកពីការឈានទៅដល់គោលដៅ?
តើផ្នែកណាមួយដែលធ្វើឲ្យអ្នកខ្លាចភាពជោគជ័យ? តើអ្នកខ្លាចភាពរីករាយឬ? តើអ្នកយល់ថាអ្នកមិនសមទទួលបានអ្វីដែលល្អ ឬអ្វីដែលអស្ចារ្យទេឬ? តើអ្នកខ្លាចខ្លួនឯងខុសពីអ្នកដទៃពេក ឬក៏ការលេចនូវគំនិតល្ងង់ខ្លៅ? ឬក៏អ្នកយល់ថាសុបិន្តរបស់អ្នក គឺធំពេកដល់ថ្នាក់មិនអាចក្តោបក្តាប់វាបាន? ស្វែងរកអ្វីដែលមកបញ្ឈប់អ្នក។ មើលឲ្យច្បាស់ហើយចាប់ផ្តើមសាកល្បង។ បន្ទាប់មកសួរខ្លួនឯងថា តើសុបិន្ត និងសេចក្តីសុខរបស់អ្នកសំខាន់ជាងអ្វីទាំងអស់នោះទេ? ប្រសិនជាអ្នកអាចសម្រេចវាបានជាមួយនឹងអារម្មណ៍ទាំងនោះ អ្នកនឹងឆ្ពោះទៅកាន់អ្វីដែលអ្នកត្រូវការ។
៣. សរសេរពីជំហាននីមួយៗ
អ្នកត្រូវគិតពីអ្វីដែលអ្នកត្រូវការដើម្បីបំពេញក្តីសុបិន្តដោយរៀបចំជាជំហានៗ។
៤. ត្រាប់តាមជំហានក្មេងៗ
យើងត្រូវបំបែកក្តីសុបិន្តទៅចំនុចតូចៗ ហើយគ្រប់គ្រងវាឲ្យជាប់។ ទោះបីត្រឹមតែជាការសរសេរពីអ្វីមួយដែលយើងត្រូវធ្វើ ឬលេខទូរស័ព្ទអ្នកដែលយើងចង់ទាក់ទងទៅ វាក៏ជាចំនុចឆ្ពោះទៅកាន់ក្តីសុបិន្តរបស់យើងដែរ។ SARK បានហៅថាបំលាស់ប្ដូរដ៏តូចល្អិត។
៥. តើជំហានបន្ទាប់គឺជាអ្វី?
ស្វែងរកអ្វីដែលអ្នកអាចធ្វើឲ្យចំនុចនីមួយៗឈានដល់គោលដៅ។ តើអ្នកបានប្រាប់នរណាម្នាក់ពីក្តីសុបិន្តរបស់អ្នកដើម្បីឲ្យវាក្លាយជាការពិតដែរឬទេ? តើអ្នកត្រូវការសរសេរដាក់ក្នុងសៀវភៅ ឬក៏គូរគំនូរដើម្បីឲ្យអ្នកបានឃើញអ្វីជាក្តីសុបិន្តរបស់អ្នកដែរឬទេ?
៦. ក្តោបក្តាប់សុបិន្តឲ្យជាប់
បន្តសម្រេចជំហាននីមួយៗដើម្បីឲ្យសុបិន្តក្លាយជាការពិត។ ព្យាយាមទន់ភ្លន់ និងល្អចំពោះខ្លួនឯងជារៀងរាល់ពេល ទោះបីជាពេលខ្លះយើងធ្វើអ្វីមួយ ដែលខ្លួនយើងយល់ថាជារឿងដ៏តូចតាចក៏ដោយ ក៏យើងត្រូវតែធ្វើវាឲ្យបាន។ កត់ចំណាំវា ពេលដែលយើងដឹងថាយើងកំពុងឆ្ពោះទៅដល់គោលដៅហើយ យើងនឹងមានអារម្មណ៍រីករាយ និងមានមោទនភាពចំពោះវា។
ដូច្នោះ ឆ្ពោះទៅរកក្តីសង្ឃឹម ស្របតាមក្តីសុបិន្ត ជឿជាក់លើខ្លួនឯង អ្វីៗនឹងក្លាយជាការពិត៕
No comments:
Post a Comment